CHE NO LE NA PARTIDA FUORI PORTA - PARTE TERZA

E FINALMENTE E' ARRIVATA ANCHE LA TERZA PARTE DEL "SERIAL-BLOG DELA VALETA"

Buona lettura e buon divertimento

CHE NO LE NA PARTIDA FUORI PORTA - Terza parte - Anonimo

Come en guera per portar almen meza trupa a destinazion, i capi squadra i decide de percorer vie diverse, così el prim pulmin el marca l’aversario a ruota, cioè la coriera, i polachi, quei che ven da tere lontane, popi se era già en clima de copa internazionale (che no le pu na squadra con le maie nere e azure), el secont el tenta la prima sortida, i ciama el Pavan che l’era de pianton al centralin dela forza publica intento a vardarse en tel spegio el color dei novi boxer (che no le na raza de cagnoi), che el doveva avertir de liberar tute le traverse en fin a Matarel (che no le en strumento per far el strudel). I ciapa a destra e i scivola vers la rotonda, tuti tacadi via ai finestrini, come en ten slalom destra sinistra su trei rode, na rossa e na blu, ma al prim colp la va sbusa, pasa en chilometro e i riciapa a destra la vecia strada, i segue la coa infinita sul cavalcavia, tuti i ten el respiro e i se mete en posizion per taiar l’aria. Ala rocheta (che no le na concorente dela nosa acqua) ghe n’esplosion de tifo da stadio : ne sen bevudi tuta la colona, forsi sen amò en temp.

En continuo agiornamento simultaneo entasando anca le linee a larga banda del ripetitor de la Paganela, i doi pulmini i sfrecia vers Trent, en do che ghe l’ultima fermada, quei studiadi i ne speta al piazal zuffa. I met la frecia per farli montar su al volo ma come al solit el Mariano la tot el nom del parchegio ala letera, le già entrà en clima partida e l’ampizà su na bega con na crica de zingheni acusandoi de eser en poseso de le seradure del pic ap (che no le en pic girà en su) del Darlin che le doi setimane che le a Milan e el gha da portarse la machina en tel let perché nol pol serarla. Da le rulot envia a sautar for gentaglia da per tut, el Cristian sto colp el se rende cont che no le vera che l’ataco le la miglior difesa, come en ten film i 4 i cor en ritirata e el Daniel che el sera la fila perché le drè a recuperar da n’infortunio ala cavicia el se ciapa a na maneta del portelon che el se daverge e i laga per strada la tabela dei numeri e la lavagna nova del mister, ma no i pol fermarse a tirarli su, ie sota batiture, el temp el vola che ie già en vista del castel de Besenel.

For da l’autostrada e via vers la stazion le n’atimo, el Barra el ciama dal campo preocupà che l’Atti l’abia portà i giogadori en ritiro ala campana dela pace (storico vedi Rovereto) per no ciapar pu gol dopo el novantesimo, quei de Trambileno ie già dre che i se pitura le guance coi colori dela guera, el Simo el dì prima la ciapà en treno che da Verona via Venezia, Valsugana, Passo Coe el là portà en orario a far merenda col l’Ivan perché el deve domandarghe ospitalità.. La città le en subuglio, machine da per tut, semafori, rotonde, lavori en corso, come se fa a tirar fora en campo, i cerca i lampioni, prima i a fat destra destra, sto colp i prova sinistra doi volte come ros e negro ala rulet (che no le la casa mobile dei zingheni) e la providenza la fa la so part: eco el camp de bataglia, le amò sintetico (che no le en tesuto de na maia) el viac le finì, tuti a cambiarse le braghe e i cauzoti, el ciano el controla trei volte de aver serà, el barra l’envia a scriver la lista (che no le quela del Pasquesi) ma con n’ociada interogativa el domanda : ma el Wally ?!?

Ven fora che per cercar doi greche (che no le doi femene da fora) per en bagno de un da vermei quel di l’ha volu laorar quela mezora en pù e risciar de montar su con la nosa portafortuna Katia e provar a veder se el Diego el sa giustar meio le fiesta (che no le na merendina) putost che far l’animale da circo e nar a far sauti. Stà di fatto che no l’ha calcolà che el Celo l’avro causa el guasto ala corente e la Katia no l’avro carghà el Moc Moc. Via etere no se capis tant ben, le linee le continua a eser entasade, prima ie a Matarel senza strudel, po ia sbaglià sant (che no le Giorgio ma Ilario) dal campo no se riva a capir en te che zona industriale de che cità ie finidi, anca le baterie le e esauste. Entant en tei spogliatoi el clima el se surriscalda perchè el mister el seuta a petar dent legna e a ripeter le posizion de le bale inattive (che no le organi di riproduzione a riposo), l’albitro el vol enviar, fora tut Roveredo la se ferma, el silenzio el se taia con en cortel, en la nosa val i se enginocia tuti vers santa Luzia, el Zum la fat en mutuo e la mandà quei de Scai a farghe la telecronaca en direta, sta per enviar el mec (match)…, CHE NO LE NA PARTIDA FUORI PORTA !!!

(Fine terza parte… a breve il racconto continua sempre sul nostro blog)