... E LA STORIELA LA CONTINUA

“Un par un, doi chel donda, trento scalo, quater e bater,” e la storiela la continua ….....

I LARESI E LE SPREMUTE

• Terza parte –
  Anonimo

El prim pulmin el sera portà avanti per impelenti necesità de socorso visto che el nos diretor sportivo oltre a guidar la spedizion, aprofitando st’istà de na relazion fugace per emparar a darghe de siringa, le deventà en druido e la pensà ben de empratichirse sula pel dura dei soi giogadori. Dopo l’intruglio per el polpac del uomo ragno sto colp serviva na cura per la spala del So, così la sera prima del mec l’era nà dal Ivo e el s’era fat dar na fiala da caval.

En te le campagne prima de rivar i se ferma en te na piazola per paura del dopin e el ghe inieta a fret en trà le coste sto liquido verdastro, el nos centrale el sen driza su come en piston e a posteriori scopriren che per tuta la not el gavrà anca en duron (che no le na sort de cerese). Ragiungen el campo come na squadra vera, pù arancioni che mai, tuti en sema acompagnadi dai dirigenti de sesso forte, vist che le femene e i tifosi snasando l’aria che tirava aven preferì lagarli a casa, con davanti el mitico Zum che come en rompi ghiaccio el na fat strada en fin su la porta dei spogliatoi da en do che sà podù amirar che el teren de gioco l’era fat pù per semenar patate che per giogar la nosa super sfida: la gran semifinal!

El prim mistèr le stà mandar el Barra a domandar al albitro de enviar quel quart d’ora dopo e stremì come l’era la manda giù el bocon direto, entant quei de Volan ie enviava el super riscaldamento con maie rosso sangue e na freccia che rivava dritta al cor. L’aprocio ala partida dele doi squadre no le compagn, come el blanc e el negro, el nord el sud, l’ista e l’inveren, le bionde e le more, el paradis e l’inferen,.. talmente divers che se capiva che la posta en palio la contava come non mai: da na banda i urli che el fava el so alenator amò prima de inviar che sembrava de eser rivadi al’arena, dal’autra i nosi en profondo silenzio i se prestava a memorizar la tatica e soraltut le parole del mister dite plan plan ma pesanti come montagne, quele montagne che le nà sempro ensegna a gestir le situazion, i pericoli, le sfide, la fam, la guera, le trincee, che l’union fa la forza, che da soi no se và da neguna banda, che i nosi noni ia tirà bore en su per cento ani, …

Pronti via e sula prima punizion i aversari i và subit a segno! I se crede de gaver la solita partida en discesa? I gioga en ten giron dela bassa en do che i pu tanti ie zitadini benestanti? Mai svegliar can che dorme, pongiudi sul vif i arancioni blu notte per l’ocasion i sfodera el manarot de guera, ie envia a corer come mati, contrasti da foc, scivolade da fauc, entrade da pel de galina, legnade sui doi fronti, na partida tirada de vero futbol d’oltre manega, da paletò, plan plan quei de Volan i capis che ai montanari no ghe plas far le comparse. El publico de casa l’incita i soi ala guera sparlando a vanvera, i nosi i li bateza con ociade furenti.

Rivan sul finir del prim temp, triangolazion a tut ciodo en vanti, el Simo el se envola vers la porta, ai autri no ghe resta che aterarlo, ...silenzio totale, el mondo el se ferma, en valeta le lampadine en tute le case le fà sten bai, a pont no riva pu acqua, a san roc no tira pù vent, ai semafori se empiza tuti trei i colori, … l’albitro amico de merende dei aversari el fa en susulto, el varda en ciel, el fa i soi conti, el met en boca el fis ciet e per no risciar la pel n’autra volta a malincuore el fiscia RIGORE !!! La massima punizion, en te la ment de tuti noi se ilumina l’immenso, en gol en trasferta per chi no segue el balon le come la panna montada sule fragole, le scaglie de ciocolata sul tiramisù, trei sonde de luganega en ten panet quando gas fam, en carton de becs en mez al deserto… Fermi tuti anca i oroloi, ghe nebia, confusion, la babele de Volan, i guardalinee i se fa na riga, le panchine le se taia le gambe, en tribuna se fa politica, el camp el bega co le tope, no ghe riferimenti, la busola la seuta a girar, montagne o no, superstizion en vaca, Ivan cavelius, capitan coragio, l’eletrico montanaro, quel de la roda (storico rode ie quei da Pei), el branca el balon, el lo pogia sul dischet, el fa mente locale (che no le caramele del posto), el pensa tra se “ghel piazi come al solit”, el calcia segur ma propi en te quel moment se scaviza el tachet dela scarpa d’apogio, la so femena indio la fa n’urlo apash dre a la porta, el portier el se stremis, ricioi su driti, oci seradi, el se peta giu dala paura, el ginoc l’incrocia la bala, el so magazinier el fa en saut e come n’asatanà a squarciagola el ne dis: i laresi no i fa n’aranzi !!! 

(Fine terza parte… a breve il racconto continua sempre sul nostro blog) (che lé sempro sto foli)