e su l'as dei casoleti ..... LA STORIELA LA CONTINUA

- I LARESI E LE SPREMUTE -

Quarta parte

Anonimo

Meza partida le nada, entran en tei spogliatoi come en te na tenda dela croce rossa, tuti sbugnadi e encazadi. El Marien el perde sanc dapertut, el So nol pol sentarse per la spala, Wally el ghà na cavicia for de uso, el gran capitan nol respira pù, le stà mondà per ben, en ginoc la parà el rigore ma l’autro del difensor le nà drit en te le vertebre. “Ivan te cambi” el ghe dis l’Atti dopo aver valutà le condizion del gueriero, “..no farme questa!” el ghe responde con en fil de vos el pegaes. Ne risciacquan la boca con l’acqua dele docie per no encorer en ten problema da beveron come a Trambilen e pu convinti che mai tornan en campo en do che Ivan il terribile el dà l’esempio, el sfodera ciodi e picoza e el martela tuti quei che ghe pasa vicin. Entra en guera anca el Mattia direttamente dal pap, Mirone e Chele a supporto, i aversari i se rintana en te la so area, le bale le resta inattive, el colp en canna, i sciopi voidi, l’ataco spuntà, amò 1 a 0, l’albitro el fiscia la fin e ensema a quei de Volan el tira en sospiro de solievo ma el prim atto dela bataglia no le gnamò finì!

El nos capitan che le l’unico che pol parlar col albitro el ghe se avicina con la bandiera bianca en man ma l’ossesso magazinier l’interviene senza reson e voce en capitolo (che nol sarà l’ultim) e el ghe dis al roda de taser, el ghe lo ripete doi trei volte.. metendoghe sempro le man ados, con calma divina l’eletrico de montagna el ghe dis de tegner giù le man, el ghe lo ripete doi trei volte.. entant i se avicina ala porta dei spogliatoi, finchè al’ultima rebecada, esausto dala giornada de laoro, dala roda taiada, dai urli apash, dal rigore sbaglià, dala tonada en te le coste, dal cartelin gial, dal risultato del mec, en piena trans agonistica (che no le na brasiliana che pratica sport) .. el ghe mola en malroers che a quel altro ghe gira la testa come la busola dela puntata precedente! A sto punto el dirigente magazinier el tol la decision pù sbagliada de la so vita sportiva e l’imboca la porta del nos spogliatoio per corerghe dre al’aversario.

Sichè la situazion come en te na fotografia istantanea le questa: dent en tel nos spogliatoio riva per prim l’Ivan, seguì a ruota dal magazinier folle, en terza posizion el Marien, seguì da vicin da Mattia e Zambo e el grupo a pochi secondi de distanza. Podeo emaginarve quel che sucede, la terza guera mondiale, benzina sul foc, en gal en ten polinar, gnanca en pazzo scatenato l’avro podù cercar na rogna compagna: come en ten carton animato en do che l’autor el disegna en mucio de stele, el por magazinier el ven mes sota dai nosi, schicia come en te na presa, riva tonade su tuti i fronti, el Zambo el ghe dà de destro e po anca de sinistro, i gemei i lo pasa doi volte, el fa per scampar ma el Robi el lo ciapa per el col e el ven martela per ben n’autra volta, el Zum el se met sula porta gira en fora, i autri noi capis quel che sucede, la rissa la prosegue davanti ala porta de l’albitro che oramai l’ha deciso de darse per disperso e con la scusa de compilar le soi carte nol se fa pù veder per en pez, el furbo de giornada bolà dapertut el riva a meterse en salvo e senza pù fiatar el capis che noi dai laresi no faren spremute ma oltre a martelarli tiran for anca l’ont dei tai !!!

(Fine quarta parte… a breve il racconto continua sempre sul nostro blog)