CHE NO LE NA PARTIDA FUORI PORTA NO - PARTE QUARTA

IMMEDIATAMENTE SEGUE ANCHE LA QUARTA PARTE DEL "SERIAL-BLOG DELA VALETA"

BUONA LETTURA

CHE NO LE NA PARTIDA FUORI PORTA - Quarta parte – Anonimo

Le formazion le guadagna el teren de gioco (che no le che i se lo spartis ala fin dela partida), i nosi capitanadi per l’ocasion dal baluardo storico Koler i riva a stento a far el saluto en mez al campo ciapadi dal amido che le nose femene le sa enventà de meterghe ale maie per l’ocasion, con n’aplauso squercià dai batiti cardiaci impazidi per l’agitazion i saluda quei de Trambileno, i nosi aversari che i contracambia entonando na litania che la sa pu de golfo de Napoli che de marzemin d’Isera. Dopo i primi sussulti de studio i nosi arancioni ie’nvia a sciovinar calcio Champagne en onor de tute le vigne che ghe li entoren. Quei altri i ribat con qualche bala longa (che no le bever biceri dal vender al luni), ensoma tuti i capis che el filo condutore de sta partida sarà le bevande: l’acqua santa pejo contra el vin rovina famiglie de Trambileno!

Bati e ribati i nosi gioveni i crea ocasion su ocasion ma la bala no la vol nar dent (che no le na novità), el prim temp el finis 0 a 0, nul zu nul, pari e pata. En valeta col ponte radio pagà per l’ocasion coi soldi vanzadi dala loteria del gran carneval i scolta tuti ciapadi i comenti dei giornalisti inviadi dale poste senza bol, entant i giogadori i taia giu luganeghe e formai per tirarse su na costa ma i comete n’eror imperdonabile: envece de bever dale borace portade da baita i se lasa engolosir da en beveron a quatro colori, presunto tè envidà dai furbachioni aversari. Se rientra en campo e la sonada par la sia sempro quela, el gs el gioga ala grande, bala a tera, cambi de gioco, uno due anca trei, en panca i se sfregola le man tuti ma quel aucelai den mister el sbara la so profezia: ADES SARO EL COLMO CIAPARLO.

La difesa ospite le presada dai nosi atacanti, el marcador dal stomec plen de bira el rinvia lonc a casaccio su nte na fasa, el Davide el met giu el balon e lo pasa rasotera en dre ma nol se acorge che el Koler l’era dre a liciarse la scarpa entant che el rotegiava el misto de quatro colori che i gava dat da bever en tel intervalo (che no le na marca de assorbenti). En urlo del Sona alenà sui intrugli dale serate del Tonal el lo stremis, el capitano de tante bataglie el leva de scato el toca la sfera de ponta e la spedis vers la nosa porta imacolata. Tuti i se speta l’ intervento del portier volante ma el Robi en te la stesa frazion de secondo le dre col ai fon (che no le n’asciugacapelli cinese) a responderghe ala Lisa da Berghem che la vol sempro saver en do che le e quel che el fa a Roveredo envece de eser a Marileva a far ore che le propi ora de meter la testa a posto e meter su famiglia, bevendo l’acqua che el produce l’istà e no el vin o el tè de quei ostioni de Trambileno che i rovina famiglie e partide, … la bala la rotola pian,.. pian.., pian en te la nosa porta, no i ghe crede gnanca lori de eser pasadi en vantagio e i capiss quel che vol dir “ el balon le tondo” cioè veramente enbriac.

Stracchi e colpidi en tel morale ma non vinti i nosi eroi i le tenta tute per paregiar enfin al ultim minut quando su na punizion el Davide imperioso de testa el colpis quel mona den portier golia che el pasava de lì per l’ocasion. Al triplice fischio tuti i se varda en tei oci, gli uni domandandose come avente fat a vincer senza mai tirar en porta, i altri come aven fat a perder che no aven ciapà gnanca en tiro! En tei spogliatoi amò for dale orbite per el risultato e per l’intruglio sospeto i nosi i stravagna de gol doppi mancadi fuori casa ma ie tuti convinti che sa pers na bataglia ma non la guera. Slavadi ala bene meio i rimonta sui mezzi per tornar ai nosi monti e el morale el se riprende quando en tel vegner en su dala normale senza signorine a bordo strada i decide de fermarse a magnar en bocon en te na betola che da for le cibarie da le finestre (che no le magna sta minestra o salta for da la finestra) con en nom strano ma par che el paron l’abia fat i soldi con le patate e l’abia davert na fabrica de quei ostioni de compiuter (Mac). Famadi come non mai i ghe svoida el banc dei paneti (che no le quei del Daprà) pronti finalmente a nar a bever vergot en ten locale conosu da quei studiadi en do che ghe ne una che la se ciama Eppi Auar, la pantera, gonna nera, canottiera, cameriera.. che la mof el cul anca senza meter i geton (che no le na sala giochi ma na canzon)!!!

(Fine quarta parte… a breve il racconto continua sempre sul nostro blog)